بناءً على طلب زوار الزعاريييييييير الكرام ممن شجعونا في بداية مدونتنا ..نعرض معلومات عن فريق الزعارييييير.
رئيس الزعارييييير : زياد.
إن شاء الله الصف الرابع.
أدرس في مدرسة مرام العالمية في جده.
هواياتي الإهتمام بكرة القدم .
الزعروووووور الأمور : عاصم .
إن شاء الله الصف الثاني.
أدرس في مدرسة مرام العالمية في جده.
أهوى السباحة والرسم ولعب كرة القدم .
الزعرووووور الشقاوه خالص : رامز .
ثلاث سنوات .
هوايتي الوحيده عمل شقاوات ومضايقة ماما .
وفيه هوايه تانيه بالعب على الكمبيوترألعاب جميله .
وإحنا أي نعم مؤدبين وحلوين ..لكن زعاريييييييييييير على الآخر ..وربنا يستر على ماما مننا.
Falling hearts Here
هناك 6 تعليقات:
السلام عليكم :)
بسم الله ما شاء الله عليكم .. ربنا يحميكم و يحفظكم و يخليكم لبابا وماما و يخليهم ليكم :)
والله مش عارفة اقولكم ايه بس انا ممكن اتعامل حلو اوي مع رامز :) هنفهم بعض و اجيبله سليم و سيف ولاد اخويا يعيشوا مع بعضهم في العاب الكمبيوتر والموبيل والبلاي استيشن :)
اما انتو باه فممكن نتناقش و نتحاور في حجات كتير:)
اخبار حفظ القرآن ايه صحيح .. كنت قريت في مدونة ماما انكم وضعتوه في الخطة ... ربنا يرزقنا واياكم حفظه والعمل بمحكم آياته ان شاء الله :)
يلا الي الامام يا زعــــــــــر .. ان شاء الله تقضوا احلي صيف و يفضل في خزينة ذكرياتكم من احلي الاوقات :)
متعكم الله بالصحة و العافية و دوام التوفيق بإذن الله تعالي :)
ماشاء الله عليكم يا زعاريرر
ربنا يخليكم لبعض ويخليكم لماما وبابا
هقول لكم على كلمة قالها واحد اسمه الكسندر دوماس
في قصة الفها زماااان اسمها الفرسان الثلاثة وهم زيكم كده
قال بقى عم الكسندر اييييه
الكل للواحد ... والواحد للكل
لو الكلمة دي غريبة شوية ابقوا اسألوا بابا عليها
بااااااي
وليد
اهلا اهلا بحبايبى الحلوين
الأستاذ الزعرور زياد والأستاذ الزعرور عاصم: فين يا أستاذ الكتب إلي بتقروها إنت وهو؟؟ ما شاء الله كرة القدم وكرة القدم، محدش قالي القراءه يعني؟؟
شوف يا أستاذ إنت وهو، لما كنت في سنكم كده كنت عايش في الكويت، ومكنتش باقراء أي حاجه. والدس في يوم جه قالي تعالي معايا، رحنا مكتبه كبيره أوي ... قالي تاخد قصتين تقراهم، ولما تخلصهم تيجي تاخد قصتين تانيين، وهكذا طول فترة الأجازه.
ومن ساعتها وأنا مبقدرش استغني عن القرايه .... قريت وأنا صغير كل الكتب والقصص المتاحه لمراحل سني، وأنا كبير قريت كل الكتب إلي بتتكلم في المواضيع إلي بحبها، سياسه وعلوم فلك وعلوم دينيه وعلوم إجتماعيه وهكذا.
كان في سني وأنا صغير أدكم كده .... من زمااااان أصل أنا عجوز ... كان عندنا كتب المكتبه الخضراء وكتب المعرفه للجميع وسلسلة مجلة المعرفه وسلسلة الروايات العالميه وسلسلة إعرف دينك....طبعا الدنيا إتغيرت دلوقتي.
بصوا، حاجه قلتها لأبني ... أوعي يا إبني تفتكر الكمبيوتر حيلغي حلاوة القرايه .... قراءة الكتب والقصص هي إلي بتكون شخصية البني أدم.
ربنا يبارك فيكم.
الأستاذ الزعرور الشقاوه رامز .... أحلي حاجه الشقاوه، إوعي حد يقلك الشقاوه وحشه وأقعد ساكت ... بس خليها شقاوه كويسه ... أهم حاجه متضايقش حد وخصوصا ماما ... لازم نساعدها في كل حاجه .... يعني مفيش مانع كده شوية شقاوه في الخباثه :)
يا زعارير
أزيكم
أنا متفقة مع عمو وجهة نظرى فى كل كلمة قالها
أنا كمان كنت غاوية قراية فى الكتب اللى قال عليها و كل حاجة تقروها هتكون مفيدة ليكم و ممتعة كمان
و بعدين إنتم واضح إنكم شطار فى العربى و القراية هتخليكم أشطر و أشطر و تعرفوا تعبروا عن رأيكم احسن من الناس اللى فى سنكم ...
ميرسى على الفراشات و هروح احطها فى مدونة يوسف علطول
لو أى حاجة عجبتكم فى مدونة يوسف خدوها علطول و هبقى مبسوطة
إحنا إتشرفنا بمعرفتكم يا شباب
و خلوا بالكم من نفسكم
و من بابا و ماما اكيد
تحياتى و أشوفكم على خير
تشرفنا يا زعارير يا امامير
ومبروك على المدونة
عمو كلبوشستان بيهدي لكم تحيه واحلى صباح بالثكر واللبن والسحلب على عيونكم
وسلام كبير يا جدع للزعارير اللي وصلواا
إرسال تعليق