أنا طلعت الرابع على المدرسة والحمد لله
بس أنا غطلت في العربي شويه لأني فهمت سؤال غلط ونقصت 7 درجات بحالهم عليه
بس دي غلطة مدرسة العربي لأنها مشرحتش السؤال كويس ..يعني مش غلطتي
بس أنا الحمد لله نجحت بتفوق
و بابا و ماما مبسوطين مني ..وبابا جابلي هديه
عاصم
بطل فريق الزعـــرررررر
Falling hearts Here
هناك 19 تعليقًا:
ألف مبروك ياعاصم... حلو أوي كده، وإنشاءالله عايزين المره الجايه تقولنا طلعت الأول.
طبعا عتابي معاك حتة إنك مفهمتش السؤال فتنقص 7 درجات كاملين. عايز أقول أولا مفيش حاجه إسمها مفهمتش السؤال، هما بيحطوا الإمتحان وينزلوا معاه كتالوج؟؟ المفروض إنك تفهم السؤال لوحدك، أمال الناس التانيه فهمته إزاي؟؟ يبقي مش غلطة مدرسة العربي. عمرك ماتحط غلطك علي حد أبدا. المره الجايه لما متفهمش حاجه، تنده المدرسه تفهمك، مش عيب أبدا.
بس في سؤال مهم ... إيه حكاية الرابع دي إنت وزياد؟؟ إنتوا عاملين إحتكار للمركز الرابع والا إيه؟ :)
برافو عليك يا عاصم
ألف مبروك يا حبيبى
أهو كدا الشطارة
دا الفريقف كله عباقرة بقى و إحنا مش حاسين
برافو عليكم
بس أنا طبعاً متفقة مع عمو وجهة نظرى فى السؤال
إيه حكايتكم مع المركز الرابع ؟؟؟
إن شاء الله المرة الجاية تبقوا من الاوائل
ماما قاللتلى على حكاية ال7 درجات دى و حاول دايما يا عاصم تسأل و تستفسر من المدرسة و دا حقك و دا واجبها إنها تفهمك أكتر من مرة لو مكنتش فاهم قصدها إيه
بس معلشى اديك خدت بالك اهو و متهيألى السؤال دا خلاص عمرك ما هتنسى
الأجابة بتاعته خالص
صح ؟؟
ألف مبروك يا حبيبى و عقبال كل سنة
و تحياتى لباقى الفريق
و لماما الجميلة و بابا العزيز
ألف مبروك يا عصومه ياحبيبي..والسنه الجايه تكون الأول ..يا رب
بوسه كبيره
الف مبروك يا عاصم
وإن شاء الله من نجاح إلى نجاح
ومن تفوق إلى تفوق
مع خالص حبي
الف مبروك يا بطل
وبجد متشكرين اووووووووى على موضع بؤجه الخير اللى عملتوه هنا عندكم
الف مبروك ياعاصم
السنه الجايه مش هنتنازل عن الاول
وكل سنه وانت طيب
هاااااا
بتصوم ولا ايه
تحياتى
احمد
مبروك يا عاصم
معلش جايه متاخر
رمضان كريم
سلامات :)
مرووووووك ياعصووووووووووم
بس انا عايزة تكون الاول
ماشي:؟؟
عاصم
زياد
رامز
أزيكم يا عيال
وحشتونى قوى
معلش إتأخرت عليكم بس أنا عارفة كمان أن وراكم مذاكرة و مشغولين على الآخر و عشان كدا محدش يقدر يقولكم غايبين عننا ليه ؟لأن السبب وجيه جدا و هوه المذاكرة طبعاً بس يعنى إحنا قربنا على نص السنة و منتظراكم فيها
شدوا حيلكم و كلها كام سنة و تخلصوا زى ما غحنا كمان خلصنا برضو
هتوحشونى و خالكوا بالكم من بعض
و خلو بالكم من ماما و بابا
لما شفتهم لقيتهم ناس محترمة و حلوة جدا و ليكم الف سبب يخليكم فخورين بيهم و هما كمان يبقوا فخورين بيكم
أنا رغيت كتير و عطتلتكم
طب خلاص
بس المهم لو ماما اللى بتقرى ...
لو سمحتى يا إيما تبلغيهم السلام
و قوليلهم طنط فاطمة بتحبكم و بتقولكم إنشالله تشوفكو احسن ناس
يا رب
سلام بقى
يا فريق الزعر
كل سنة و إنتوا طيبين
و معيدين
و فى حضن بابا و ماما مبسوطين
كل سنة و إنتوا منورين الدنيا
و مفرحين بابا و ماما
بنجاحكم
و شطارتكم
و أخلاقكم الجميلة
تحياتى ليكم يا حبايبى
ألف مبروك يا عاصم معلش متأخره اوى بس الجايات اكتر من الفات ان شاء الله
الف مبروك يا عاصم وعقبال كل سنه بلأحسن ان شاء الله
يا فريق الزعر الجميل
ازيكم يا ولاد
وحشتونى قوى
متهيألى خلاص اجازة نص السنة
إبتدت بقى
و عاوزين مواضيع جديدة
و حواديت
و حكاياتكم يا شباب
أتمنى تقضوا اجازة سعيدة
و يا ريت
يا رييييييت
متعملوش شقاوات رهيبة لبابا و ماما
خلوا بالكوا بقول رهيبة
عشان أنا عارفة إن الشقاوة هتحصل هتحصل
بس براحة شوية على نفسكم و بلاش إصابات يعنى ....
منتظرة بقى نشاط فريق الزعر عشان إنتوا وحشتونا قوى
قوى
اجمل و أشجع فريق فى الدنيا
سلام من قلبى يا حبايبى
يا فريق الزعر الرهيييييب
فينكم من زمان
أنتوا نسيتوا المدونه بتاعتكم ولا أيه
مستنيين الجديد
وإجازه سعيده
ينفع كدا ؟!!!
تطنشونا كدا
و لا حس و لا خبر خالص
طب أدخلوا قولوا إحنا كويسين يا طنط
و خلاص ...
طبعا رجعنا للمدرسة تانى و إنشغلنا فى المذاكرة
طب ماشى ...هضطر أسكت بقى و مقولش حاجة لأن المدرسة دى عاملة زى الشغل كدا
يعنى لازم الواحد مدام وراه شغل يعمله كويس جدا و يركز فيه ...
المهم إنكم وحشتونى فقولت أعدى أسلم عليكم يا حبايبى
خلوا بالكم من بعض و من بابا و ماما
تحياتى يا فريق الزعر
اللى هوه اجمل زعر فى الدنيا
الف الف مبروك ياعصومه
اعجبتني فكره مدونتك انت واخواتك ربنا يبارك فيك وفي اسرتك الكريمه
واتمني لك تطلع الاول كل سنه
وبالمناسبه كنت عايزك تكتب لنا عن اثر وجود والديك الافاضل في حياتك
وتجربه دراستك في السعوديه
وهنتظر تدوينتك القادمه
سامر (طبيب مصري اعمل بالخبر)
يا سيدى الف مبروك والسنة الجاية ان شاء الله تطلع الاول
وحشتونى يا عياااااااااال
هترجعوا إمتى بقى ؟؟!!!
ألف مبروك ياعاصم
وأنت ليه مابقتش تدون من عشر أشهر؟
ويله نزل مواضيعك الجميلة علشان نتبادل التعليقات .
Mohannd.
إرسال تعليق